புதுக்கம்ப்யூட்டர் வாங்கலாமா!

பண்டிகைக்காலம் தொடங்கி போய்க்கொண்டிருக்கிறது. பண்டிகை என்றால் புதிய துணிகள், வீட்டிற்கான புதிய சாதனங்கள் என்று பட்ஜெட் போட்டு செலவழிக்கிறோம். டிவி, பிரிட்ஜ், அடுப்பு, வாஷிங் மெஷின் எனப் பழையனவற்றை மாற்றிவிட்டு புதியனவற்றை வாங்கி நிறுவுகிறோம். இவற்றில் இப்போது சேர்ந்துள்ளது பெர்சனல் கம்ப்யூட்டரும். ஆம், டிவியைக் கூட அப்புறம் மாற்றிக் கொள்ளலாம்; இந்த பழைய கம்ப்யூட்டரை மாற்றிக் கொடுத்தால் தான், நாங்கள் மற்றவர்களைப் போல நன்றாகப் படிக்க முடியும் என்று வளர்ந்த பிள்ளைகள் சொல்லும் காலம் உருவாகிவிட்டது. அது மட்டுமின்றி, கேம்ஸ், வீடியோ, திரைப்படங்கள் பார்க்க என கம்ப்யூட்டரைப் பயன்படுத்தும் தளங்களும் மாறி, வீட்டில் உள்ள அனைவரும் கம்ப்யூட்டரைத் தேடும் நிலை உருவாகி உள்ளது. இந்த நேரத்தில் புதியதாகக் கம்ப்யூட்டர் வாங்கச் செல்கையில் என்ன என்ன பார்க்க வேண்டும் என்று பார்ப்போமா!

முதலில் நிறுவனங்கள் விற்பனை செய்திடும் (எச்.சி.எல்., எச்.பி., டெல், ஐ.பி.எம்., விப்ரோ போன்றவை) கம்ப்யூட்டர்களை வாங்கலாமா? அல்லது தெரிந்த கம்ப்யூட்டர் ஹார்ட்வேர் நண்பர்கள் அசெம்பிள் செய்து தரும் அசெம்பிள்டு கம்ப்யூட்டர் வாங்கலாமா? இந்த கேள்வி தான் முதலில் நம் முன் நிற்கிறது. நிறுவனங்கள் விற்பனை செய்திடும் கம்ப்யூட்டர்கள், அசெம்பிள்டு கம்ப்யூட்டர்களைக் காட்டிலும் கொண்டிருக்கின்ற முதல் ப்ளஸ் பாய்ண்ட், அவற்றிற்கான சர்வீஸ் நெட்வொர்க். நீங்கள் எந்த ஊருக்குச் சென்றாலும் அந்த நிறுவனத்தின் சர்வீஸ் சென்டர் அல்லது அவர்களின் அதிகாரம் பெற்ற மையம் அந்த ஊரிலோ அல்லது அருகில் உள்ள நகரத்திலோ இருக்கும். ஆனால் அசெம்பிள்டு கம்ப்யூட்டர் வழங்கிய நபர் இந்த பொறுப்பினை எடுத்துக் கொள்ளமாட்டார்.
நிறுவனங்கள் ஒரு முழுமையான கம்ப்யூட்டரை, அனைத்து உறுப்புகளும் இணைந்து மொத்தமாக, தருகின்றன. இதனால் அசெம்பிள்டு கம்ப்யூட்டரைக் காட்டிலும் இதற்கு அதிக மதிப்பு எப்போதும் உண்டு.

அசெம்பிள்டு கம்ப்யூட்டரில், நிறுவனக் கம்ப்யூட்டரில் இல்லாத ஒரு வசதி உண்டு. திறன் கூடிய செயல்பாட்டிற்காக, எந்த ஒரு துணைச் சாதனத்தையும் அல்லது சிஸ்டம் சாதனத்தையும் மாற்றிப் பயன்படுத்தலாம். எந்த நேரத்திலும் எதனையும் மேம்பாட்டுடன் கிடைக்கும் சாதனத்தைக் கொண்டு ஈடு செய்திடலாம். ஆனால் நிறுவனங்கள் வழங்கும் கம்ப்யூட்டர்களில் இந்த மாற்றத்தினை மேற்கொள்ள முடியாது.
ஒரு டெஸ்க்டாப் பெர்சனல் கம்ப்யூட்டரில் இப்போது தொடக்கநிலையில் என்ன என்ன திறன் கொண்ட உறுப்புகளை இணைக்கிறீர்கள் என்று சென்னை எச்.சி.எல்.நிறுவனத்தை அணுகிய போது அவர்கள் கீழ்க்காணும் குறிப்புகளைத் தந்தனர்.

Intel Core 2 Duo E7500 CPU (2.93 GHz, 3 MB Cache, 1066 FSB)

2 GB DDR2 800 MHz RAM

160GB SATA Hard Disk Drive

16x DVD Writer

19″ TFT Wide Monitor

104 Keys Keyboard

2 Button Optical Mouse with pad

300Watts Speaker and hands free mic

Windows Vista Home (Preloaded) with Recovery CD Media　 License

Antivirus (Preloaded) with 1 year license

மேலும் குறிப்பிடுகையில், இவை நாங்கள் பரிந்துரைப்பது என்றாலும் வாடிக்கையாளர்கள் இவற்றில் சற்று மேம்பாட்டுடன் உள்ளவற்றையே விரும்புகின்றனர். அவர்கள் விருப்பத்திற் கேற்ப ஆர்டர்கள் எடுத்தும் தருகின்றோம் என சென்னை அலுவலக உயர் அதிகாரி கூறினார்.

ப்ராசசர் மற்றும் மதர்போர்டு என எடுத்துக் கொண்டால், இரண்டு நிறுவனங்கள் இப்போது சந்தையில் இயங்குகின்றன. இன்டெல் இப்போது அதன் Core 2 Duo range ப்ராசசரை வெகு வேகமாக முன்னிலைப் படுத்தி வருகிறது. அடுத்த நிறுவனமான ஏ.எம்.டி. நிறுவனம் தருவது அதன் Phenom II ப்ராசசர் ஆகும். உங்கள் பட்ஜெட்டுக்கு ஏற்றவகையில் லேட்டஸ்ட் ப்ராசசர் கொள்வதே சிறந்தது. முடியவில்லை என்றால் ஏ.எம்.டி. வழங்கும் AMD X 2 ப்ராசசரைப் பெறலாம். இதே விலையில் கிடைக்கும் பென்டியம் டி (கஞுணtடிதட் ஈ) ப்ராசசரைக் காட்டிலும் சிறப்பாகவே இயங்குகின்றன.
அதே போல எண்ணிக்கையில் அதிக யு.எஸ்.பி. போர்ட்களைக் கொண்ட மதர்போர்டுக்குச் செல்லவும். மேலும் அதில் டெடிகேட்டட் கிராபிக்ஸ் கார்ட் இணைக்கக் குறைந்தது ஒரு கஇடூஞுது ஸ்லாட்,ஹார்ட் டிஸ்க் டிரைவ்களை இணைக்கப் போதுமான குஅகூஅ போர்ட்ஸ் ஆகியவை இருக்க வேண்டும். பெரும்பாலான மதர்போர்டுகள் இப்போது 7 சேனல் ஆடியோவுடன் கிடைப்பதால், இது ஒன்றும் பிரச்சினையாக இருக்காது.

ராம் மெமரியைப் பொறுத்தவரை 2 ஜிபி கட்டாயம் இருக்க வேண்டும். மிகப் பெரிய அளவிலான கேம் மற்றும் கிராபிக்ஸ் பயன்படுத்துவதாக இருந்தால் 4 ஜிபி ராம் தேவை. இதில் டி.டி.ஆர். 2 அல்லது டி.டி.ஆர். 3 ஆகியவற்றில் எது வேண்டும் என முடிவு செய்திடலாம். இப்போது இவற்றின் விலை குறைந்திருந்தாலும், இவற்றிற்கு இடையே விலை வேறுபாடு இன்னும் 100% ஆகத்தான் உள்ளது. டி.டி.ஆர்.3 ராம் உள்ள மதர்போர்டுகள் விலை சற்று அதிகமாகவே உள்ளன. எனவே இதன் விலை குறையும் வரை டி.டி.ஆர். 2 ராம் மெமரி சிப் உள்ளவற்றையே வாங்கலாம்.

மானிட்டர்
மானிட்டர் திரையைப் பொறுத்தவரை இப்போது மிக அகலமான எல்.சி.டி. திரைகள் கொண்ட மானிட்டர்கள் கிடைக்கின்றன. கம்ப்யூட்டரில் நீங்கள் பார்க்கும் வேலையின் தன்மை மற்றும் தேவையின் அடிப்படையில் 17 அங்குலம் முதல் 30 வரையில் உள்ள இவற்றிலிருந்து ஏதேனும் ஒன்றைப் பெறலாம். குறைந்தது 19அங்குல அகல மானிட்டர் வாங்குவது நல்லது.

மற்றவை:
ஹார்ட் டிரைவ் டிஸ்க்குகள் விலை மிகவும் குறைவாக உள்ளதால் 320 ஜிபி ஹார்ட் டிரைவ் SATA II வாங்குவது உத்தமம். ஆப்டிகல் டிரைவ் பொறுத்தவரை, இனி வருங்காலங்களில் புளு ரே டிரைவ்தான் பிரபலமாகும். ஆனால் இன்றைய நிலையில் இவற்றின் விலை மிக அதிகமாக உள்ளதால், டிவிடி டிரைவ் கொண்டதே வாங்கவும்.

கேபினட் மற்றும் பவர் சப்ளை யூனிட்:
இவற்றைப் பொறுத்தவரை நிறுவனங்கள் தங்கள் இமேஜைக் காப்பாற்றிக் கொள்ளவும், தனித்தன்மையைக் காட்டவும் சிறப்பான கேபினட்டையும்,பவர் சப்ளை யூனிட்டையும் தருகின்றனர்.

மவுஸ் மற்றும் கீ போர்டு:
கம்ப்யூட்டர் பயன்பாட்டில், பயன்படுத்துவதால் விரைவில் சேதம் அடையும் இரு சாதனங்கள் கீ போர்டும் மவுஸும் ஆகும். எனவே நல்ல ஒரு நிறுவனத்தின் மவுஸ்தான் வேண்டும் எனக் கேட்டு வாங்கவும்.லாஜிடெக், மைக்ரோசாப்ட், ஐ பால், ஜீனியஸ், இன்டெக்ஸ் மற்றும் சாம்சங் எனப் புகழ் பெற்ற பல நிறுவனங்களின் தயாரிப்புகள் சிறப்பு பெற்றவையாக உள்ளன. சில நிறுவனங்கள் இந்த நிறுவனங்களிடம் பெற்று தங்கள் நிறுவனங்களின் பெயரைப் பொறித்துத் தருகின்றன. அவர்களிடமே நீங்கள் தரும் சாதனங்களைத் தயாரித்த நிறுவனங்கள் எவை என்று கேட்டுத் தெரிந்து கொள்ளலாம்.